深水埗“天空之城”15分钟极速登顶！零体能穿平底鞋 轻松看270度夜景

U Lifestyle

打卡熱點

【行山好去處2026】香港8個新手行山路線推介 市區/郊野公園/港版萬里長城 親子遊必去！

平時返工壓力大，難得放假梗係要遠離市區，發掘香港大自然景點洗滌下心靈！唔少香港人都會趁週末行下散心，今日小編就整理出香港8條適合新手嘅行山路線，當中有港版萬里長城、大尾篤等親子熱門郊遊路線，最快半個鐘可以行完！即刻save低開展健康人生～👩🏻‍🦯🧑🏻‍🦯 ----------------- 【快閃送⚡】主題樂園門票100張！ 復活節假有咩親子活動plan，唔使煩！社群送您主題樂園門票，帶您週末長假期去坐纜車、探望大熊貓、玩機動遊戲！即日起至2026年3月18日，簡單登記即有機會贏走主題樂園門票兩張～ 我想去主題樂園放電 ----------------- 📝行山前準備事項： 行山最驚就係行行下接收唔到訊號！想時刻確保自己行梗正確嘅方向，出發前記得下載定「Hiking Trail HK」APP，提供過百條行山路線及離線地圖，亦都可以繪畫及預先尋找各區行山路線，行山人士必備！ ----------------- 1️⃣上水華山 位於上水嘅華山係唔少一家大細週末行山好去處！因為連接住長甫頭、杉山、馬頭嶺等八座山山脈，所以有港版「萬里長城」之稱。全長約6公里，路線可以觀賞埋梧桐河及深圳邊境嘅景緻，更可打卡著名「皇家香港軍團」遺址！重點係路線冇乜樓梯，行走時唔會太吃力，絕對係適合新手行山嘅不二之選！ ⏰預計時間：約3小時 🚖交通：上水廣場巴士總站搭乘73K巴士於「虎地坳站」下車 📍路線：虎地坳 →  杉山  → 華山 →  北望神州  → 犀牛望月 → 坪輋路 > “兩腳大貓怪” 分享華山新手行山路線攻略< ----------------- 2️⃣ 龍脊 香港其中一條熱門行山路線非龍脊莫屬！位於石澳一帶，全場約8.5公里，因為海景開揚，又被稱為「亞洲最佳市區遠足徑」！由土地灣出發，經打爛埕頂山、龍脊山脊，沿路打卡石澳、大浪灣、大潭灣一帶嘅海岸線，社群U Creator形容雖然偶爾會有沙石路段，但難度較低，一家大細或行山新手輕鬆行！ ⏰預計時間：約2.5至3小時 🚖交通：筲箕灣站A3出口，轉乘9號巴士至「土地灣」下車 📍路線：土地灣村 → 打爛埕頂山 → 龍脊→ 石澳郊野公園 → 歌連臣山 → 大浪灣村 > “Raymond Cheung” 分享亞洲最佳市區遠足徑行走心得< ----------------- 3️⃣ 金山郊野公園 提到金山郊野公園，唔少人第一時間諗起好多「馬騮」，但其實呢條路線仲可以一次過遊覽四個水塘！由大埔公路石梨貝水塘車站出發，全程約5.5公里，路線較平緩而且多樹蔭，趁依家天氣涼爽出遊打卡最適合不過！ ⏰預計時間：約2小時 🚖交通：石梨貝水塘車站 📍路線：石梨貝水塘站 → 九龍副水塘 → 九龍接收水塘 → 石梨貝水塘 → 九龍水塘 > “高比仔” 同您分享金山郊野公園詳細路線< ----------------- 4️⃣ 油塘魔鬼山 位於油塘嘅魔鬼山係唔少行山新手嘅入門路線之一，佢又稱為「炮台山」，僅海拔222米。除咗可以打卡碉堡、炮台等歷史軍事遺跡之外，仲可以遠眺維港海景，特別係日落時分打卡景觀一流，係唔少親子遊必行路線之一！ ⏰預計時間：約1小時 🚖交通：油塘站A1出口步行至高超道出發 📍路線：高超道 → 衛奕信徑第三段 → 歌賦炮台 → 魔鬼山山頂炮台 > “吃喝玩樂全世界” 同您分享油塘魔鬼山路線及歷史故事< ----------------- 5️⃣南朗山 南朗山鄰近海洋公園，海拔約284米，係香港熱門親子行山路線之一！全程石階，除咗可以俯瞰海洋公園之外，仲可以打卡深水灣、香港仔避風塘全景，登頂只需約1小時，CP值極高！不過山上冇補給，記得出發前自備足夠食水～ ⏰預計時間：約1小時內 🚖交通：黃竹坑站B出口沿南朗山道步行至加拿大國際學校旁 📍路線：黃竹坑 → 南朗山道 → 南朗山亭 → 南朗山 > “泓楷澈” 同您介紹南朗山親子遊寶藏路線< ----------------- 6️⃣  西高山 西高山係港島第四高嘅山峰，海拔494米，位於薄扶林郊野公園入面！由山頂廣場出發，石屎路平坦而且景色優美，最後上600級樓梯就可以登頂，俯瞰維港全景及薄扶林至南丫島優美景色。登上西高山觀景台仲可以最佳視角打卡香港日落，勁浪漫～ ⏰預計時間：約1.5至2小時 🚖交通：中環交易廣場搭乘15號巴士至山頂廣場 📍路線：山頂廣場 → 夏力道 → 西高山 > “吃喝玩樂全世界” 分享西高山行山全攻略< ----------------- 7️⃣ 城門水塘 城門水塘係大受香港人歡迎嘅熱門行山景點，因為佢有唔同程度嘅路線，分別前往大埔、沙田、大帽山等等，無論行山新手定經驗人士都適合行！新手或者親子遊可以沿菠蘿壩自然教育徑行，圍繞城門水塘行一圈，唔單止望到白千層樹林自然景色，亦打卡到香港法定古蹟，全長約6.3公里，週末約定另一半或者屋企人去散下心啦！ ⏰預計時間：約 2.5-3 小時 🚖交通：荃灣站B1出口搭乘82號綠色小巴直達 📍路線：菠蘿壩自然教育徑  → 城門緩跑徑 → 白千層樹林 → 城門水塘主壩 → 菠蘿壩 ----------------- 8️⃣ 嘉頓山 嘉頓山又稱「喃嘸山」，位於深水埗同石硤尾之間，係市區其中一條最熱門行山路線，因鄰近深水埗嘉頓麵包總部而命名。高90.6米，而且步行約15-20分鐘就可以快速登頂，市區景緻一覽無遺，吸引唔少攝影師同行山人士於黃昏及夜晚影相吹風，亦都適合想搵個簡單方便嘅位置行山放鬆嘅您！ ⏰預計時間：約30分鐘 🚖交通：深水埗站D1出口到美荷樓青年旅舍小路上山 📍路線：深水埗站 → 美荷樓青年旅舍 → 嘉頓山 → 美荷樓青年旅舍 *以上路線難度僅供參考，實際情況受天氣及個人體能影響。行山時請量力而行，切勿餵食野生動物，並穿著合適裝備及自備充足水分。 招募U Creator l 出Post賺額外收入！ 立即登記➡️ https://ulapp.hk/nsq06  🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 ----------------- 圖片來源：社群U Creator {{hket:tag-user display="泓楷澈"}}1010528{{/hket:tag-user}} 、 {{hket:tag-user display="吃喝玩樂全世界"}}839224{{/hket:tag-user}} 、 {{hket:tag-user display="Dollbb"}}264171{{/hket:tag-user}} 、 {{hket:tag-user display="Angela Chui"}}690943{{/hket:tag-user}}  #ULifestyleApp #UCommunity社群 #UCreatorHK #行山好去處 #香港行山 #新手行山 #行山路線  #親子行山 #親子好去處 #假日好去處 #新手行山路線 #初級行山 #港版萬里長城 #龍脊 #市區行山 #郊野公園 #香港打卡 #行山懶人包 #戶外活動 #週末好去處 #香港郊遊 #放電好去處

Rachel

打卡熱點

呢次去玉桂山燈塔行山，對我嚟講好似幫自己按咗個暫停鍵，離開城市一陣🏙️➡️⛰️。由利東邨出發，一開始只係穿梭喺樓宇同街市之間，仲聽到電車聲同車聲，但愈行愈高，城市噪音就慢慢被風聲取代，心情都自然靜落嚟🍃。踏上真正上山嘅泥路時，四周開始被樹木包住，陽光透過樹葉照落嚟，感覺好舒服，令人成日想深呼吸幾下，將平日工作同煩惱都暫時放低🌤️。 玉桂山雖然有啲斜路，但其實唔算難行，整體路程唔長，只要著對抓地力好啲嘅波鞋，慢慢行都冇壓力，所以好適合新手同半新手👟。沿途有啲位置要小心踩住石頭上落，不過對鍾意輕量挑戰嘅人嚟講反而幾好玩💪。行到中段回頭望，就已經見到鴨脷洲同海面嘅景色，成個視野慢慢打開，會有種「原來自己離市區咁近，但風景又可以咁唔同」嘅驚喜😍。 再行前少少，就到達望向玉桂山燈塔同連島沙洲嘅位置，海同天空幾乎連成一線🌊。當日我揀喺黃昏時間去，啱啱捉到最佳日落時段，金黃色陽光鋪滿成個海面，好似為行程加咗層暖暖濾鏡🌅。喺海邊岩石坐低，影咗眼前呢張相，見到自己剪影同遠處群山，個瞬間真係覺得一切辛苦都好值得📸。聽住浪聲、吹住微涼海風，整個人好似被洗走咗好多壓力，心入面只剩低平靜同感恩💛。 如果平時你覺得太忙、太攰，又唔想去到好偏遠嘅大山，玉桂山係一個好好嘅入門選擇✨。路線簡單清晰，交通方便，上山時間唔長，但又可以一次過俾你打卡海景、島嶼同靚日落，CP值好高📍。只要記得帶足夠水、防曬、帽同風褸，揀個好天氣，約埋朋友或者另一半一齊慢慢行，邊行邊傾計，去到燈塔附近再慢慢睇日落，就會明白點解咁多人推介呢個地方☀️。下一次如果想輕鬆充電、幫心情「重啟」，不如都試吓上玉桂山走一轉，可能你都會愛上呢種簡單又純粹嘅開心🥰。 #我想去AIA嘉年華

Chris Lam

香港攻略

龍脊係香港島東南面好出名嘅行山路線，喺石澳郊野公園入面，沿住山脊一路伸延，好似一條巨龍咁起伏，所以先叫「龍脊」。 由入山開始，首先會穿過一段樹蔭小徑，慢慢上斜，之後就上到開揚嘅山脊位置，視野即刻變得好廣闊。 企喺觀景位向外望，可以見到石澳半島、石澳泳灘同石澳高爾夫球場，前面就係一大片南中國海，藍天白雲配合海岸線，好有度假感覺。 天氣好嘅時候，仲可以遠望大浪灣，同成條彎彎曲曲嘅海岸，打卡影相特別靚。 山脊兩邊都係青綠山巒同海景，行起上嚟海風陣陣，令人覺得好舒服，好似瞬間離開咗繁忙市區。 龍脊全程坡度唔算太急，屬於難度中等但風景超值嘅路線，亦因為咁成日被評為香港最靚、最受歡迎嘅行山徑之一，非常適合假日同朋友或者家人一齊慢慢行、慢慢欣賞沿途風景。 #清潔神隊友