尖沙咀W酒店自助餐买一送一！送海味炖汤！4小时任食生蚝/蓝青口/面包蟹/即烤美食/芝士焗海鲜！

寶妮周圍遊

節日限定

KITCHEN

情人節大餐🥂睇夜景💯

今日情人節去咗食自助餐,一入到去,環境好開揚又型格,落地玻璃望出去維港夜景超靚,成六點仲可以睇埋日落,氣氛輕鬆又帶點奢華feel,餐廳設計現代,裝潢有啲玩味,唔會太死板,啱晒情侶或者朋友聚會｡ 食物方面選擇多到爆,海鮮同刺身都好新鮮,蟹腳甜到不得了,龍蝦都超級多膏,本身晚市自助餐有生蠔,不過暫時供應唔到,轉咗做鮑魚,雖然有啲失望,但係都好食｡ 熱盤嘅烤牛肉,中式燒味,點心,蒸魚,印度咖哩等等,味道都係中上,不過款式比較少｡佢哋嘅中湯我都幾欣賞,今晚係猴頭菇燉湯,好清,味道唔會太重｡甜品區有各式蛋糕､朱古力､雪糕､糖果,賣相同味道都幾好｡服務員態度好好,主動幫手收碟同影相,感覺被照顧得好周到｡ 整體嚟講係一餐質素高又開心嘅晚餐,食到飽仲有靚景陪襯,不過價錢唔算太平,如果可以多啲菜式嘅種類就更加好｡因為情人節嘅關係,每一台都會送上一份鵝肝牛扒,不過實在上得太遲,我哋嗰陣已經食緊甜品,食唔落塊牛扒,感覺上有啲嘥,如果可以早啲拎出嚟就好｡ KITCHEN (尖沙咀) 尖沙咀柯士甸道西1號港鐵九龍站香港W酒店6樓 #海鮮#維港夜景#自助餐

FoodTravel_World

香港攻略

九龍高質酒店自助餐🍴性價比超高大滿足 W酒店呢間Kitchen位置喺九龍站交通超方便，環境modern闊落，氣氛舒適，無論慶祝節日、閨蜜聚會都超適合🥰 重點推介晚餐自助餐，選擇豐富到眼花繚亂！ 海鮮種類十分齊全，燒生蠔燒蝦任食keep住refill ，肉質肥美飽滿，原汁原味超鮮甜 最令甜品控瘋狂😍 整個甜品區款式超多樣，賣相精緻味道一流！仲有多款口味gelato，口感綿密，再推介海鹽焦糖！另外有多款蛋糕、布丁、凍餅輪流供應，甜品控天堂啊！ 💰$636/人 （一至四自助晚餐價錢） 📍KITCHEN 尖沙咀柯士甸道西1號港鐵九龍站香港W酒店6樓 🌟評分：9.5/10 #自助餐回本攻略

Jannis

擦餐勁

港島香格里拉

海鮮控吃到失控 ♥ 港島香格里拉酒店Café Too

眾多自助餐當中, Café Too 仍然是我首選, 食物選擇及味道都頗高分, 尤其主打海鮮, 一系列蒸海鮮、凍海鮮, 熱葷及甜品, 目不暇給~ 蒸龍蝦認真超吸引及滋味! 肉質彈牙兼多膏, 而且鮮甜, 我也不禁吃多了~ (對! 吃完甜品後, 再吃多一次龍蝦!), 也有原隻蒸扇貝.   翡翠鮑汁慢火煨製花膠, 好大件花膠, 軟稔度剛好, 滿滿的骨膠原~  另有花膠撈粗, 豪華地吃麵~ 鷹咀豆蓉拌不同食材做出的美食, 各款都有特色, 茄子蓉. 冰鎮海鮮: 實淨海蝦、多膏琵琶蝦及麵包蟹、翡翠螺、軟滑鮑魚、肉質嫩滑的凍蟹, 蜆都夠大粒. 中式熱葷也吸引~ 焗蠔仔、梅菜扣肉、酸菜魚、天婦羅、海鮮豆腐羹、避風塘羅氏蝦、焗蟹糯米飯、辣醬炒蟹必食茅台醉蝦!! 肉質彈牙, 剛剛好熟, 易剝殼, 最主重是夠酒味~ 鍾意喝燉湯, 就要留意鐘聲, 立即去排隊拿一盅, 當晚是五指毛桃燉湯, 清澈湯頭、味道濃郁, 大愛~ 烤羊腿、煎鴨胸、即切烤牛肋骨, 配搭烤焗蔬菜例如茄子、意大利青瓜、粟米等, 輕鬆做出一碟得體扒餐.     壽司及刺身都多選擇, 也有煙三文魚.   魚生飯, 最吸引我的必然是脹卜卜的三文魚子! 甜品選擇剛剛好, 雜莓果仁黑朱古力真的讓我愛不釋「口」! 焦糖朱古力蛋糕, 擺明是滯, 但真的要咬一口, 好好味! 每次必食抹茶柚子撻. 今次的草餅是黑白配: 芒果及黑芝麻味, 都軟熟. 超讚清新的蜜柑寒天. 雞蛋仔及夾餅, 加球雪糕更是無敵. 雪糕有六款口味~ 喜歡焙茶、芝麻, 抹茶也不錯~ 滋陰養顏花膠杏仁茶, 杏仁控如我, 絕對要來一碗! 櫻花芝士餅, 抹茶芝麻慕絲, 芝士蛋糕, 焙茶咖啡泡芙等等, 每款拿一件都已經能滿品嗜甜的朋友~ 追求健康的話, 切粒生果都有4款~ 自助餐包每人一杯飲品, 熱伯爵茶是我最愛, 而飲品區亦有幾款特調果汁, 例如雜果賓治、台式奶茶、榛子凍咖啡~ 「海鮮美食坊盛」自助餐由即日起至8月31日供應. 成人每位由HK$828至HK$888, 香港里拉會員可享85折及同行小童半價優惠.  Cafe TOO 地址: 金鐘金鐘道88號太古廣場 港島香格里拉酒店7樓 歡迎與我聯絡: jannis_tang174@hotmail.com  facebook fanpage: Jannis Tang Through the looking glass IG: jannistang #龍蝦 #港島香格里拉 #海鮮自助餐 #seafood buffet #lobster #island shangri-la (此文章由U Blog 同步發佈至社群)