COURT! ViuTV︱练美娟大饱眼福爆Stanley邱士缙Marco最多对手戏

COURT! ViuTV｜娟姐饰演检控主任

在《COURT!》中练美娟（娟姐）饰演检控主任叻姑、以及P1X3L成员叶振弘（Marco）饰演初出茅庐的助理阿荣，Marco表示戏内外都跟娟姐学习，二人相处融洽，更会趁Off Cam时自拍留念。练美娟为大家介绍她的角色叻姑：“有返咁上下年资同地位，每个法官我都搅得掂，唯独是方官，即Stanley（邱士缙）饰演嘅Peter，我一见到佢就好腾鸡，我觉得佢针对我。今次会同佢正面交锋，会畀佢睇点样虾我同针对我。”

为了准备角色，她特意观看了多部法庭作品，“真系冇谂过可以参与一部法庭戏，我自己非常之紧张，拍之前去咗真正嘅法庭听审，为了今次落足心机去研究，非常开心可以入到呢个剧组演出关于法庭嘅戏码。”她续说：“因为涉及到法庭戏，所以有好多专业用语，喺背嘢方面都需要落少少功力，亦因为系专业用语而唔可以自己Feel Free去加啲新嘢，所以呢一方面都要跟足啲。”

娟姐自爆大饱眼福 同Stanley、朱鉴然、Marco多对手戏

她今次跟多位演员合作，“主要同Stanley、朱鉴然、Marco（叶振弘）有对手戏，亦有好多证人、被告，最开心就系我喺啲男儿堆度，全部个个都靓仔，大饱眼福嘅。同埋因为呢度好热，朱鉴然好钟意成日著住件背心周围走，益阿叻姑，多谢晒！哈哈！”她又透露：“通常大家Break紧就会休息下，我同朱仔（朱鉴然）就会继续讨论紧嗰件事，我觉得系好得意嘅一啲交流，佢系演戏嘅前辈，所以我会问吓佢一啲关于演戏嘅嘢，佢都好乐意分享，多谢佢啦！就算Break Time我哋都好勤力㗎，我哋都系继续研究剧本㗎！所以继续有剧集都搵我哋啦！”

叻姑的助手阿荣由Marco饰演，“佢系一个好新好新、啱啱入行，系叻姑嘅助手，帮佢执文件，粗重嘢交畀我。”他看着娟姐大赞她：“娟姐好专业，系非常之照顾后辈的前辈，喺佢身上感受到演员原来就系要咁样。”娟姐随即谓：“我走喇，我走喇。”Marco说：“唔好走啊，我仲有好多好嘢讲。”

他自言自己不论是角色或真人也仍然是一位新人，“基本上我系唔识任何要喺呢个场合度做啲咩，懵盛盛咁，叫我做咩就做咩。今次拍呢套剧嘅感觉好Formal，因为始终系讲法律嘅嘢，字眼、细节上系不容有失，我睇见都觉得好正经。睇完剧本觉得冇绝对，每个位都有佢难做嘅嘢，法官都有好多嘢要去衡量，所以几得意。”

他形容自己：“我以前都系‘十下十下’，有少少懵盛盛，啱啱入行时，依家都系有少少。我摆咗呢样特质落去，几贴合。剧组好Pro，我个角色冇咩对白，但唔系冇嘢做，好多嘢做，要因应场合帮叻姑搵嘢等。”他期望：“慢慢一点一滴咁样感受多啲演戏，无论系演戏态度，或者咩时候要做啲咩，我觉得得仲系太新，好多时要观察下究竟前辈Off Cam做紧啲咩。”

COURT! ViuTV｜剧集预告

资料及图片来源：ViuTV