江美仪离婚10年亲揭一原因拒绝再婚 罕谈感情不想孤独终老：有子女更好

《名媛望族》重播意外走红

忆及当年《名媛望族》播出时与今天反应两极，美仪形容为“无想过”及“好奇妙”。“当然记得被人骂爆‘黑丝仪’，又话我‘重口味’教坏细路，几十岁人仲搞埋啲咁嘅嘢。嬲？当年仲细，睇留言区会有唔开心，亦担心会影响收视。而家有咁嘅回响无想过，亦唔系乜嘢平反，我形容系个好励志的故事，因为你的付出，唔知几时有人留意到你的努力，就要时刻唔好松懈，演好每一个作品。”

被郑则士点醒开窍

“三姨太”热潮更令美仪的亚视旧作全被翻煲，大赞她演得好。她97年一入行即伙拍影帝郑则士主演剧集《肥猫正传》，原来美仪的演技全因被影帝严厉指导后才开窍。她回忆：“唔系讲笑，佢真系闹，但就系想你好嗰只，最初又闹我挡住啲光同唔识就机位，我拍开广告点会识？真系有一次，我匿上车想喊，但我同自己讲：‘你个死肥佬！我就要做到有一日唔会畀你闹！’之后就打醒十二分精神，每事都问清楚佢，到今日我哋都仲系好朋友。”

+2

点击图片放大

+2

点击图片放大

得罪幕后数年无剧可拍

江美仪2009年转投TVB，2013年已凭《冲上云霄2》夺得“最佳女配角”，但之后曾被指嚣张、乞人憎，经历过不少高低潮。她自评：“我直肠直肚，个样串串贡，唔识修饰，就会得罪人，有时得罪人咗人都唔知。”原来在2017年首孭女一的《亲亲我好妈》后，因为得罪幕后，数年无剧可拍。

离婚后对婚姻再无憧憬

于事业低潮时同时遇上婚姻问题，江美仪坦承情绪曾一度爆煲，幸获阮兆祥介绍而信佛，再靠宗教及运动走出情绪低谷。问及单身九年的江美仪是否仍对婚姻有憧憬，她说：“婚姻无憧憬啦！件事太复杂啦，但边个唔想有个伴？结婚复杂的原因，唔只系两个人的事，系涉及两个家庭，你要兼顾好多嘢。”

直言不想孤独终老

虽然不考虑再婚，不过她亦直言不想孤独终老：“既然我已经试过结婚，就试吓啲唔需要结婚啦！九年来真系无人出现过，条件真系无乜所谓，总之唔好孤独终老。年纪大过我细过我都得，有仔女更好，我好钟意细蚊仔，最紧要沟通到，三观一致。”

+2

点击图片放大

+2

点击图片放大