铜锣湾港岛壹号中心商场料12月开业！福冈天妇罗罗加博多屋台进驻！附美食名单

Wendysugar食買玩gogogo

香港攻略

Tempura Nagaoka

抵食過江龍 廚師發辦晚餐

當知道過江龍「長岡博多天婦羅」於今年9月進駐利園三期時己開始訂位，但真是一位難求，今晚竟然有訂戶唔得閒而我地就可以成為座上客。真心好抵食仲好好食呀! 仲有餐廳為生日朋友送上驚喜，令呢個生日慶祝更加特別，期待下次再來呀!  朋友生日當然要食好點，好點不是講價錢，愈貴不是代表最好，好的意思是食得有質素。呢度有2款廚師發辦晚餐，分別是「典」天婦羅廚師發辦晚餐$498，但今次點選了$688的「御」天婦羅廚師發辦晚餐，主要是想吃A4和牛天婦羅及海膽，呢個廚師發辦晚餐由前菜開始開始已是好吸引，每一口都嘗到百分百的博多風味。  海膽布甸 日本空運到港的食材，包括這道前菜海膽布甸，表面放有海膽與三文魚子，入口即化的柔滑蒸蛋，加上海膽與三文魚子的清爽鮮甜，超美味呀 !  極上刺身  只取當日到港的新鮮海鮮，今晚就有甜蝦、油甘魚、調魚、赤身、吞拿魚腩，每款刺身都新鮮至極，口感如入口即溶，正到無得彈。 吞拿魚茸沙律 新鮮吞拿魚磨成魚茸，變得非常柔軟，鮮味濃郁，保留了魚肉的鮮香。搭配新鮮的沙律菜及醬汁，為口腔帶來清新的口感，將來緊接美味的天婦羅來個好準備。 小柱雜錦天婦羅 將小柱與三葉拌匀後，以九州紫菜包裹，炸至酥脆，入口時三葉香氣，與小柱鮮味的完美結合，配埋鹽粒享用，提升味道，一流。 海膽天婦羅 面層的海膽鮮甜柔軟的質地，與天婦羅的酥脆，形成了完美的對比，只能說句令人一試愛上。 豆腐天婦羅 豆腐質地細膩，入口即化，搭配外層的脆皮，內裏保持柔軟滑嫩還有少少甜味，以濃郁的胡麻醬伴底，更增添風味。 花虎蝦天婦羅 外層炸至金黃酥脆，一啖咬落去蝦肉爽口又彈牙，鮮甜味足，帶有一定的嚼勁。 A4和牛天婦羅 福岡店人氣第一的招牌菜，油脂較少、肉味濃郁的近赤身部位，紫蘇葉包裹後炸製兩次，入口嫩滑，吃時加少許鹽粒提味，必食推介呀! 鮮冬菇天婦羅 冬菇本身具有豐富的香氣，在炸的過程中能保持一定的水分，咬下去時汁液微微流出，增加了層次感。 真鯛魚天婦羅及露筍天婦羅 已預早調好味道的真鯛魚天婦羅，入口時魚肉質地細膩，口感滑順，不用加任何醬汁或鹽粒已很滋味；後者露筍天婦羅，露筍本身擁有自然的清香和草本味，炸製後的香氣更加突出，甜味更為明顯，口感清爽，這道清爽且富有層次感的美食，喜愛素食者者必試。 松葉蟹及三文魚子釜飯   使用佐賀產米及特製木魚醬油高湯即叫即煮。米飯先用大火煮5-6分鐘、細火8分鐘再焗 10分鐘；最後放上蔥花及松葉蟹及三文魚子 ，松葉蟹肉質鮮嫩，口感豐富，層次細膩，鮮甜美味，三文魚子為釜飯增添了一層鹹香味，口感滑嫩，吃時將之混合在一起同吃，這個絕妙的搭配，真是令人欲罷不能。  味噌湯 眼前放上細細杯的味噌湯，味噌與高湯的鮮味交融，形成濃郁的口感，湯的香氣和風味完全感受到日式的風味。 蜜柑紅豆蓉天婦羅配麻糬 採用季節性水果製作，將果肉去皮後包上一層幼滑紅豆蓉和薄薄大福皮，炸至外酥內軟，是日本家喻戶曉的人氣甜點，餐廳特意為朋友寫上祝福的字句及俏像，令這個生日更是甜在心。 蜂蜜檸檬特飲及自家製辣可樂 前者這款解膩的飲品，沒有酒精成份，只有蜂蜜檸檬，酸甜度剛剛好，平衡了油炸天婦羅的油膩感。後者，誰說可樂一定是黑色？這裏的自家特製作的辣可樂，用了多種香料來泡製， 令可樂變成通透的白衣，入口又是可樂的味道，過癮呀！ 福岡屋台 採用原木作為室內主要材質，將福岡「屋台」的熱鬧氛圍升級，讓大家能感受現代日式居酒屋體驗。   長岡博多天婦羅  地址：銅鑼灣新寧道 1 號利園三期 2 樓 226-229 號舖  電話：2151 3700  #天婦羅 #discovercwb #leegardenshk #AroundLeeGardens (此文章由U Blog 同步發佈至社群)

mstheachu

福岡攻略

福冈｜元祖博多めんたい重

去到福岡唔少得食明太子 而呢間元祖名太重更加係出名中嘅出名 見到好多人都話任何時間嚟都一樣咁多人排隊,為咗可以減省排隊時間我就喺佢開門之前過嚟排定隊🙈 佢開九點,我八點半就去到,我當然唔係第一啦 前面都已經有唔少人㗎啦,到佢正式開門之後,我大概等咗40分鐘左右就入得,我諗應該都算快🥹 佢專門係食明太子,其實Menu就唔太多選擇 大家都係嗌呢個明太子飯同埋明太子沾麵,有得單獨叫,又有得一set咁叫 明太子飯見到大大個明太子,真係好過癮 明太子好鹹,不過配飯食就啱啱好,加埋紫菜香而不膩,明太子都唔腥 而沾麵個湯汁都係有明太子㗎~ 我特登影咗相,望帶嚟睇就見到㗎啦😆 湯汁都唔錯,食到最尾仲可以加佢專用個湯水,飲埋個湯底 佢價錢都唔算貴,唔使4000円就食呢個兩食set 都好推薦大家去試,如果唔想用咁多時間排隊,就可以考慮吓好似我咁一早就去到🥹 如果係櫻花季節去,喺呢間舖頭後面有個公園仔,都有唔少櫻花樹,可以順便趁人少嘅時候賞下櫻,應該好開心🌸 #日本好去處#旅行美食 #打造韓系浪漫廚房

cyl1226

日本攻略

九州之旅 Day 4

📍天神Wakaba 炸豬排 被日本最大美食網站 TABELOG選為全國炸豬排百大名店｡ 📍One Fukuoka 今年新落成嘅商場加酒店大樓,最有趣就係大門旁嘅像素樹｡ 📍博多運河城 一個超大型綜合購物商場,有條人工河貫穿個商場｡每半個鐘就有音樂噴泉表演,夜晚仲有配合投影,有唔同嘅動畫主題｡ 📍The Full Full Hakata 福岡名物-明太子法包 個法包本身真係好好食,唔關個明太子醬事｡ 見網上個個都話博多店勁多人,經常都要排一個鐘先買到｡今日好好彩唔使點排隊,等左一陣就買到｡ #traveltojapan#fukuoka#福岡#糸島#博多運河城#博多#天神#onefukuokabldg#thefullfullhakata#wakaba#親子旅行