网友严选10大最亲民友善明星！私下真面目曝光 童年男神获一致激赞“抵佢红咁耐”
近日有网友在Threads平台召集网友分享生活中遇到友善明星的经历，引来不少人留言分享自己亲身经验，当中许多意想不到的知名艺人都被网友“点名”大赞，除了金像影帝一行为超级加分外，一位童年男神更被封为神级学习榜样，引起网友热烈讨论。
网友严选10大最友善艺人｜黄秋生
有网友透露自己小时候在一家酒店吃自助餐时偶遇黄秋生，指黄秋生看到小朋友不够力盛冰淇淋时，便主动帮全部小朋友盛好冰淇淋，不少网友也认同黄秋生非常友善，表示其只是面恶心善，大赞黄秋生既有修养又亲民。
原文：
“细个嗰阵时去怡东酒店食自助餐见到黄秋生 佢劲好人 行过见到小朋友拎雪糕唔够力 佢帮晒几个小朋友拎”
“当年喺时代广场附近间California Fitness撞到秋生哥做紧Gym玩跑步机”
网友严选10大最友善艺人｜ERROR 梁业（肥仔）
Error成员梁业（肥仔）也被网友大赞友善，有人分享自己曾吃自助餐时碰到肥仔，询问对方可否合照时，因肥仔手上有拿着太多食物，其礼貌表示“依家唔方便啦”，后来肥仔放下食物后更主动找回该名网友合照，非常亲切表示“系呀影相呀，依家可以啦”。
原文：
“遇过Error 肥仔 喺自助山食buffet 问佢可唔可以影相 佢话依家唔方便啦（手上拎住食物） 1分钟行埋我个位置 系呀影相呀，依家可以啦 超nice”
“肥仔试过成团返黎佢同成班frd系我前面， 不过我自己就无搵佢影但见有他人问佢佢都好nice 同人影相”
网友严选10大最友善艺人｜郑伊健
郑伊健也获网友提名，不少网友表示偶遇郑伊健时，只要和对方有眼神接触，郑伊健便会主动上前点头打招呼，笑言“佢打招呼仲快过你”，大赞其亲切的行为，认为郑伊健友善谦逊的态度是艺人学习的好榜样，更加直言“抵佢红咁耐”！
原文：
“遇过郑伊健夫妇 食鱼蛋粉 唔要求合照 但系只要同佢有眼神接触 佢打招呼仲快过你”
“郑伊健真系！！对到眼然后佢主动同我打招呼”
“我妈仲要同佢讲：好开心呀见到你 佢即刻点几下头 讲几声多谢 nice到艺人其实都普通人 有啲做到咁大牌都唔知为乜 伊健呢啲真系好榜样”
网友严选10大最友善艺人｜刘嘉玲
有网友分享在工作场合遇到刘嘉玲的经历，指其即使身为VIP，仍非常愿意配合安排坐在入口大厅静静等待，同时与路人微笑点头打招呼，大赞刘嘉玲非常有耐性，也没有明星架子，相当平易近人，不会让人产生不舒服的感觉。
原文：
“刘嘉玲 工作场合 轻微接触过 我以为 大明星嘅自我保护距离感会好大出乎意料地 佢非常平易近人 唔会令你不舒服 而且几可爱”
“刘嘉玲系我遇过最没架子最爽快嘅知名艺人👍🏻 明明系vip,唔介意坐喺入口大厅等…唔介意人人入门口个个惊讶嘅目光…唔介意向每个人带有奇怪眼神嘅人微笑点头…最劲系完全没难过我啲现场所有small potato🥺 超有耐性👏🏻👏🏻👏🏻”
网友严选10大最友善艺人｜李天翔
有网友分享李天翔到店购物的经历，指其虽然成日演出奸角，不过真人非常有礼貌，临近收工时间也会买饮料慰劳店员，回屋后也特意拍产品照片给店员，大赞李天翔戏里戏外极大反差，既友善又亲切！
原文：
“终于俾我碌到呢个post 我想讲李天翔超nice，就咁讲个名你可能唔知边个，但见到个样一定知！ 佢黎我哋处买嘢，虽然成日演奸角，但真人超大反差，好有礼貌，讲嘢阴声细气又型仔😭 有次佢惊阻我收工黎埋又买嘢请我饮。 以后最impressive都系佢自费买完我哋啲product之后我随口讲句：如果可以回返图俾我哋post就好了🥺 当时都系讲着讲着就算因为我都明白artist可能有其他sponsor之类唔方便。 点知隔几日就收到好多佢专登影嘅相send返俾我😭真系好感动！ 佢值得被更多人认识！！🙌🏻”
网友严选10大最友善艺人｜陈启泰
一名自称是送货员的网友，分享有次平日如常送货时，开门时才发现收货人是陈启泰，正当该名网友开口询问是否陈启泰本人时，陈启泰马上承认身份，更友善地与其闲聊，最后有礼貌地说再见，非常有教养和有礼。
原文：
“小弟对上一份工，做速递，喺某一日收到某单直接送上门去陈启泰屋企，仲要系我事前唔知边个系佢嘅🤣 结果嗰日我好如常咁送货上去，收货嗰位仁兄一打开门，一个高大而又我童年见过嘅轮廓出现喺我面前，之后我下意识第一句问佢：请问你系...… 跟住我未问完，佢已经答：系！ 之后我同佢闲聊咗几句：最后大家仲揭个爬～佢亦都礼貌地表示谢意，亦都系我返工做过最特别嘅客”
网友严选10大最友善艺人｜任达华
金像影帝任达华也被不少网友点名大赞，除了早前网友分享获任达华请客外，有人指曾在于读书时期做活动帮手时遇到任达华，不单高大有型，更主动与其打招呼非常亲切，也愿意为众人签名，完全没有明星架子，获封为亲民天花板！
原文：
“任达华真系劲nice 读书时某届世界杯去咗帮有线做helper ， 喺会场见到任达华， 我望住佢， 佢见到我望， 主动行埋黎say hi 同埋问我地“好唔好玩呀？” 最后我问佢拎签名， 但我没纸喺身， 佢帮我手上面签， 仲笑住话“唔好洗手呀” 救命呀！ 佢真系零架子，超好礼貌， 又高大有型😎”
网友严选10大最友善艺人｜徐濠萦
陈奕迅老婆徐濠萦也被网友大赞亲切，有网友指中学时期曾参加徐濠萦举办明星二手衫市集，不单与一众同学仔闲聊，更出于好心提醒“唔好乱咁买”，认为徐濠萦只是气场太大，实则非常平易近人。
原文：
“徐濠萦，好cool但人好好 讲紧系廿几年前，佢搞明星二手衫，我地成班学生去睇Sammi啲衫，同我地倾偈，叫我地唔好乱咁买（出于好心）”
网友严选10大最友善艺人｜杨千嬅
有网友分享出席唱片公司高层婚宴偶遇杨千嬅的经历，当时一众当红歌手和新人与高层打完招呼后就离开，只有杨千嬅和其老公丁子高全程出席，即使肚饿仍和众人完成合照后才开餐，非常敬业又爱惜粉丝，令人尊崇。
原文：
“真人真事，系因为某个唱片公司高层嘅婚宴，当时杨千嬅同其他几个红歌星都有嘅，其他红歌星同新人打完招呼坐一阵，未开席就走咗，反而杨千嬅同佢老公由头坐到尾，当时应该有几十人排队同佢影相，睇得出佢系好想食嘅，但都坚持影晒相先食，呢啲系真人真事😍😍”
网友严选10大最友善艺人｜叶丽明
叶丽明也被网友大赞友善，有网友分享儿时在游轮偶遇叶丽明的经历，指当时自己不够高坐上高凳非常无助，这时正与好友聊天的叶丽明就突然转身将自己抱上高凳，展现出热爱小朋友的表现，非常有爱心！
原文：
“叶丽明好nice，细个上游轮玩，我喺佢后面想坐上去嗰个高凳（当时大约6岁，唔够高。而当时我离开咗父母视线范围） 佢唔知点解会feel到，本身同紧朋友倾偈，都转身抱起我坐上张高凳”
{{hket:threads id="https://www.threads.com/@mingyauw0128/post/DbGjWWdkyDk" ratio_id="16" autoplay="false"}}{{\/hket:threads}}
来源：Threads
港生活人气娱乐新闻
【请您食😋】上海姥姥Rich & Fit二人套餐💚！
↓💡将姥姥经典点心主菜营养健康升级🌿↓
↓ 限时登记拎主题乐园门票！🎢↓
U GO 本週好去處
