梁思浩亲曝江美仪常被欺凌！深夜爆哭诉苦：为什么她们要这样虾我？

“大只仔”周嘉洛被爆每朝必食8只鸡蛋“补肌”

美仪姐一来先以前辈身份评价四位后辈，包括因工作未能参与录影的周嘉洛，原来凭爆肌身形洗晒版的嘉洛仔，最紧要蛋白质，拍摄基本要求是每朝要食八只鸡蛋“补肌”！

GM被爆曾臭亲Fans 

至于GM则被爆曾经臭亲Fans及餐厅老板娘，十分爆笑，美仪姐：“我们去到一个地方，有好多人好兴奋咁嗌GM”、“佢好受欢迎架，成班女仔围住佢，跟住我们第日就话喇，GM，你咁臭，你有冇谂过啲粉丝会点㗎？”GM除了有“臭历史”，身份是道士的他，还被爆私下是“神医”，并会亲述曾帮吴若希医好“瞓捩颈”。

江美仪亲认大食兼食极唔肥

至于美仪姐，则被好友梁思浩连环爆料，首先思浩踢爆有次与江美仪及其他朋友，在酒楼包了两枱饮茶，结果美仪姐竟嗌了100笼点心，令思浩啧啧称奇。美仪姐回应指自己确实食极唔肥兼食量惊人，并难忘曾打爆郑则仕家中“粮仓”：“极难忘，有次去郑则仕屋企打边炉，将佢全屋企嘅嘢全部食晒！”

25年好友梁思浩亲爆江美仪成日畀人虾

另外，梁思浩还爆料指外表硬朗、兼看似很恶的美仪，其实有不少被虾经历，并曾致电梁思浩诉苦：“其实你们觉得佢恶啫，我识咗佢二十五年，其实有阵时我要氹番佢转头。有一日佢打畀我：‘呜呜……点解佢哋要咁样虾我？’…有时你们觉得美仪恶，其实我觉得佢系唔想畀人虾，因为喺娱乐圈虾佢嘅人都唔少。”

江美仪难忘当年做模特儿酬劳极丰厚

美仪姐又会应主持王镇泉要求在节目详述被虾经历，又亲认性格蚀底：“我个样又衰嘅生得，坐喺度好似好串咁”。另一爆点，是90年代担任模特儿的美仪姐，豪爽地大爆当年做Model报酬极好：“嗰时都成2、3千蚊一个钟，而一单job Minimum系四个钟。”