艾威被批太快走出丧妻阴影遭轰“无情” 罕有反击网友：要我伤痛多久才有权开心

丧妻难释怀：同伤痛共存

忆及去年网上呼吁捐肝为救爱妻，艾威坦承见证人间有情，另外，他亦感谢周润发来病房探望病危的太太，“系非常难得，发哥系Lisa嘅偶像，当时我同三哥(苗侨伟)工作，佢上昼搵发哥，发哥下画已经嚟探Lisa”

无奈Lisa等不及换肝，因感染于5月18日离世，问艾威至今何时走出伤痛，他说：“无諗走出，只可以同伤痛共存，但我好快要迫自己改思维方式，因为我唔可以继续沉溺，有好多问题要面对。”

艾威走出丧妻阴霾却被批无情

不过，重新振作走出伤痛，并分享于食店帮忙招呼客人的片段，竟令艾威饱受网友批评，“我将呢啲开心片段放出嚟，就有啲人好得闲攻击我，当然我无去回应，但就觉得好奇怪，发生唔开心嘅事，究竟要保持负面情绪几耐？好无情地讲，屋企人死咗，你要我伤痛几耐？先至有权开心？边个做准则？”

作为丧亲过来人，艾威说：“一定要开心返，因为走咗嘅屋企人，亦都希望你开心嘛！你无资格批评我，因为我要用开心嘅心情，解决我以后面对嘅问题。”

曾倾家荡产为太太治疗子宫肌瘤

艾威91年邂逅Lisa，交往11年后于02年结婚，不过，2020年艾威宣布离婚，震撼整个娱乐圈，事关之前二人生死相许，男方曾倾家荡产为Lisa治疗子宫肌瘤。问艾威2023年偕Lisa参与内地真人秀《再见爱人2》，出发点是否为了复合，他说：“复合真系因为呢个节目，但之前无任何期望，只系想有新启发畀我哋。”

被太太感动：命都唔要想同我复合！

拍摄18日要一对分开夫妻做不同的挑战，促使艾威感受到Lisa的爱，“有一日要爬山要绑绳，当时佢‘多囊肾’、‘多囊肝’个肚已经好胀绑唔到绳，佢点都要做到，就好似命都唔要嚟拍呢个节目，佢系连命都唔要想同我复合，系好感动。”

泪崩忆述答应不离婚

忆述答应太太不离婚那一天，艾威再度泪崩，流下男儿泪，“当日拍我哋去海拔高地方，佢高山症发烧……已经有车准备送佢去医院，我心諗我应承佢唔离婚，佢一定会好返。果然…..我同佢讲：‘你唔好諗咁多，我哋唔离婚啦。’佢竟然即刻退烧，好神奇，即刻好返晒咁滞。做咗呢个决定后，我就同自己讲，唔可以再提离婚。”艾威边讲边哭，证明他至今仍深爱 Lisa。