万千星辉2025︱佘诗曼四届视后缔造香港历史纪录 四年四段获奖感言全部神对应

佘诗曼四夺视后创历史！四次感言神对应

佘诗曼（阿佘）的演艺生涯蜕变速度与高度惊人，从当年的“鸡仔声”进化到今时今日的“Man姐”，回顾她四次获奖感言，字里行间环环相扣一段热血成长的史诗。

2025年《新闻女王2》：第四次夺视后

阿佘在第四度封后时，感言已升华至另一层次，她感性表示今次“我已经成为咗呢个角色”更霸气勉励台下后辈：“历史系人类创造出来，只要冇放弃，你哋一样会成为历史。” 从追逐奖项到创造历史，展现了女王风范。

“多谢！多谢！今晚将会系我人生中我一定会记住嘅夜晚，有你哋同我一齐喺呢个咁靓嘅画面，多谢！我上一次攞呢个奖我觉得系我佘诗曼自己攞嘅，但我觉得今次得奖嘅系man姐，因为我已经唔系去饰演一个角色，我已经成为咗呢一个角色，系佢带住我透过精彩嘅剧情，去同观众再一次产生共鸣，所以我想同man姐讲一句“我钟意你呀文慧心”！

我开心到爆，唔记得晒呀真系！我第一次演续集，原来演续集系咁正！因为可以同一班咁热血同埋咁想进步嘅一班人可以继续合作系我嘅福气，好感恩遇到你哋每一位，多谢你哋！

多谢我嘅Team，仲有优酷嘅宣传团队，因为宣传真系好重要，佢哋真系日以继夜咁样，我每日起身都见到几百个message关于宣传策略，拍咗一个戏出嚟，可以点样好好宣传，令到更加多人知道有呢个戏，有更加多人去睇呢样嘢，非常重要，所以我好多谢所有宣传嘅同事！

多谢编剧，同埋多谢我妈咪，咁坚强、咁乐观去面对佢而家嘅情况，好多谢我细佬，好悉心去照顾妈咪，令到我可以好任性咁去追寻我嘅梦想，好多谢我经理人，有你系我身边，系我一件好有福气嘅事，有你做我经理人，系上天赐俾我嘅礼物，你令我不断进步！

我成日觉得历史系人类创造出来，我今日做到，我相信台下嘅每一位，你哋只要冇放弃，你哋一样会成为历史，锺澍佳先生，我希望我哋可以再创下一个历史，多谢！”

2023年《新闻女王》：第三次夺视后

阿佘第三次夺奖时，曾兴奋高呼：“我可以证实『一不离二、二不离三』都可以系好嘢！”当时她强调攞奖“好难好难”，并感谢《新闻女王》团队。对比2025年她笑言“演续集系咁正”，足见她对角色延续性的热爱。

“我以为唔会喊，今日我攞完呢个奖，我可以证实“一不离二、二不离三”都可以系好嘢！每次企喺呢个台上面都好紧张，因为攞一个奖真系好难好难，唔系净系我一个人努力，系大家嘅努力。我好多谢Man姐呢个角色，我好多谢大家支持《新闻女王》。

我最开心嘅系我可以同一班好好嘅演员合作。你哋俾咗个好好嘅回忆我，我真系好开心。我希望嚟紧会遇到更加多好嘅角色。希望嚟紧会有更加多好嘅等大家可以返屋企煲剧、追剧，多谢大家！仲有我多谢我妈咪，我妈咪成日都照顾我，多谢多谢。”

2014年《使徒行者》：第二次夺视后

第二次夺奖时，阿佘提到虽然大家都说她“攞硬”，但背后付出极多。她当时留下一句座右铭：“冇嘢系最好，只有更好。” 这份“不自满”的精神，正正衔接了2025年她感谢经理人“令我不断进步”的初衷。

“多谢TVB令我人生更加精彩，每一次企上呢个台都好紧张，啲人话我攞硬，但其实攞一个奖真系并不容易，要付出好多，要好好彩，遇到好剧本、好角色，自己要好好把握。我今次好好彩，遇到一个好好嘅监制…

仲有一个人，我一定要多谢嘅，就系我妈咪，因为我做嘢压力好大，成日都炆憎，但佢永远都可以比到个好灿烂嘅笑容我，呢样嘢系我好需要㗎，多谢你妈咪，有你喺我身边鼓励我，多谢你。多谢每一位投票俾我嘅观众。其实冇嘢系最好，只有更好，我会做到更好，继续努力，多谢大家。”

2006年《凤凰四重奏》：第一次夺视后

回望阿佘第一次拿视后，她曾泣不成声地忆述被批评“鸡仔声、唔识做戏”的辛酸，并承诺“唔会令大家失望”。从当初那个怕令妈咪失望的女孩，到2025年她感谢细佬照顾妈咪，让她能“任性追梦”。

“我真系以为，攞完头先嗰个（我最喜爱的电视女角色），冇机会攞呢个（最佳女主角）㗎！我好多谢TVB，由啲人话我鸡仔声，唔识做戏，直到我今日攞呢个奖，好开心，我冇令到支持我嘅人失望，冇令我屋企人、冇令我妈咪失望。我唔知呀！我头先讲晒啦啲嘢，我想晕呀，我会继续努力，唔会令大家失望，今晚我一定会记住！”