数码港艾美酒店｜台式美食菜单$78起｜送台北及香港艾美酒店免费住宿

HK Hotel Spy

香港攻略

香港數碼港艾美酒店

$1200住數碼港艾美酒店！23小時睇盡山景海景日落景🌊🌅

近排返工忙到癲,好想搵個平時少去嘅地方叉吓電｡男朋友收到我個requirement,就諗到去數碼港艾美酒店｡星期六入住$1200,加上有酒店會籍可以2pm check out,足足玩到23個鐘!唔使趕住走,啱晒想好好休息嘅我哋~ 一入房就見到有齊山與海嘅畫面🌊好似被大自然包圍住,遠離繁囂嘅感覺好舒服,即刻好有度假feel!房間夠大,張床兩個人大字形瞓都得｡我哋好鍾意呢度設施齊全,書枱同床頭都有無線叉電,電視有Chromecast,有牙膏牙刷,仲有飲水機!所以一個月內嚟咗兩次,第二次真係拎件衫同skincare就入嚟,幾乎唔使帶嘢,超方便🤣其中一次萬里無雲,黃昏嘆住冷氣睇住個鹹蛋黃慢慢跌落山邊,海面天色由橙變紅,真係好浪漫🌅 另外廁所都幾好玩!當男朋友鎖門喺入面唔知做咩,我發現衣櫃竟然可以通入廁所,好似機關咁🤣沖沖吓涼仲可以開霧化鏡偷睇吓佢喺出面做咩,唔知佢望返入嚟會唔會覺得好似望金魚缸咁呢🫪 短短時間住咗兩次就知我哋幾滿意😆酒店有shuttle來往香港站,交通尚算方便｡不過缺點係附近冇咩嘢食,外賣運費都貴,呢個係令我哋未必成日book嘅主因｡但間唔中一次嚟呢度chill吓,都真係幾舒服㗎~ #數碼港艾美酒店#週末度假#香港好去處#好去處#staycation#ucreator

HK Hotel Spy

香港攻略

香港蘇豪希爾頓摩庭酒店

$1200上環Hilton酒店 Staycation 💸🛌🌃

前排天氣涼涼地,成日都想攬住男朋友瞓🥰佢話反正呢排酒店價錢都貴咗,不如試吓上年8月新開嘅Motto by Hilton,$1200就得!酒店喺上環地鐵站附近,落樓就有好多嘢食,我哋收工即刻衝過去試~ 一打開房門,同預期一樣空間唔算大,但都唔會覺得侷促🛏️ 張雙人床我哋兩個攤上去都幾舒服,最鍾意係設備準備得好齊全,唔單止有牙刷牙膏同水,廁所鏡仲配有化妝燈,連對拖鞋都係超好質素,厚身又軟熟,質素拍得著五星級!電視係Smart TV,我哋直接login就睇到Netflix同YouTube,夜晚攤喺度煲劇真係一流~ 行近窗邊望出去,係好classic嘅香港夜景🌃 高樓大廈燈光閃閃,(少少)維港海景､西九同IFC都睇到,夜晚望住成個金光燦爛嘅畫面都幾靚㗎✨不過要提提大家,對面大廈比較近,可以好清楚見到人哋屋企嘅情況,我哋睇景嗰陣仲見到有無人機飛過添🛸 所以夜晚記得拉返窗簾,保護私隱呀🕶️ 成間房新淨企理,唯一係隔音差少少,間中會聽到出面啲聲｡但$1200就可以試到Hilton新酒店,設備齊全又有質素,加埋中上環夜景同方便位置,可以一試!#上環酒店#情侶酒店#香港酒店 {{hket:campaign display="去新酒店staycation"}}{{/hket:campaign}}#Hilton

布丁夫人 Lady Pudding

寵物

每年為慶祝愛犬生日，我們一家人會入住酒店Dogcation 慶祝。在剛剛的12月，為慶祝愛犬12歲生日，我們選擇了入住數碼港艾美酒店慶祝，並且有個愉快難忘回憶。 從酒店到餐廳也相當寵物友善，讓我們一家和愛犬能夠得到熱情有禮的款待。而且海景客房的醉人日落美景，也讓我們有個美麗溫馨回憶。早上，再到位於4樓寵物友善餐廳Southside Bistro 享用一頓豐富嘅自助早餐，然後再到平台花園散步，拍照留念。 我們非常享受這次珍貴、愉快的旅程，並希望往後繼續與愛犬在數碼港艾美酒店慶祝生日，留下更多美好回憶。 #Chill賞親子Staycation