六国酒店自助晚餐低至$498/位！4小时任食龙虾花胶富贵鸡送无限畅饮

gn_gnyt

香港攻略

Le Menu - 六國酒店自助餐

六國酒店自助餐！龍蝦鴨肝任你食🤤

六國酒店推出華麗自助晚餐,龍蝦,鴨肝.佛跳牆.無限暢飲汽水､果汁､啤酒､紅白酒和汽泡酒 🔅有廚師👍🏻兩場表演🔅 🕑下午6:45 🦞法式龍蝦海鮮酥皮盒 🕑下午7:15 🗻火焰雪山 🔅每位客人可換一客佛跳牆,超足料!!鮑魚､瑤柱和金華火腿,清甜滋補 子 👍🏻回本推介 *鴨肝多士:鴨肝油香豐盈,入口即化 *片皮鵝:即叫即止片 *芝士蘑菇焗蟹蓋:滿滿蟹肉 *凍海鮮🦞龍蝦.麵包🦀.松葉蟹 刺身等等 *威靈頓牛牛:即叫即切😋 *啖啖肉火雞🦃聖誕節必食 *甜品🍮杯子蛋糕､聖誕布甸､紅絲絨蛋糕､得獎甜品(朱古力蜜柑慕斯蛋糕藍芝士撻) 網上仲有優惠低至54折👍🏻👍🏻 🔗Le Menu (灣仔) 📍灣仔告士打道72號六國酒店1樓 ☎️28663808 #UCreator #hkfoodie #六國酒店 #foodie #自助餐 #甜品 #海鮮 #酒店自助餐 #香港特色 #灣仔

peonyiuu

香港攻略

Le Menu - 六國酒店自助餐

龍蝦花膠片皮鵝自助餐食回本🤩

夏日盛宴自助晚餐 - 龍蝦･花膠･片皮鵝🍴 六國酒店聯乘李錦記呈獻極致鮮味✨ 每晚三場視覺盛宴隆重上演! 屋企醬料長期用李錦記 點諗到灣仔六國酒店 Le Menu竟然同大家家傳戶曉嘅李錦記玩crossover!!!✨ 所以必須留意👀 龍蝦鮮果沙律 (李錦記蛋黃醬) 俄羅斯龍蝦沙律 (李錦記蛋黃醬) 龍蝦湯 (李錦記法式龍蝦醬) 煎三文魚柳配法式龍蝦汁 (李錦記法式龍蝦醬) 燒肉眼扒 (李錦記黑椒醬) 黑椒薑蔥炒龍蝦鉗 (李錦記黑椒醬) 烤焗豬肋骨配菠蘿燒烤醬 (李錦記燒烤醬) 💥記得千祈唔好錯過表演🫯 18:45【堂弄花膠意大利飯】 ✨ 堂弄用意大利飯配李錦記法式龍蝦醬 大廚即場炮製,每位限定一客 ,每粒意大利飯都有濃濃的龍蝦味✨ 19:15【火焰雪山】&【火焰燒菠蘿】 🔥 視覺效果震撼🤩💥菠蘿連焦糖一齊燒特別甜,雪山蛋糕外熱內冷有豐富口感🫶🏻 睇表演嘅空檔記得要食埋芝士蘑菇焗蟹蓋同炸生蠔🦪 仲有煎鴨肝多士同爐端燒 全部即叫即整🥰 最後當然唔好錯過佢哋嘅甜品💕 甜品選擇好多 仲要有得即製窩夫 同埋HD雪糕 睇下我個甜品係咪整得幾好呢💗 (冷火感覺必食🙌🏻) 係咪見到都流晒口水呢🤩 快啲約埋朋友家人去食喇 🍴:Le Menu @gloucesterlukkwok @leekumkee.hk 📍:灣仔告士打道72號六國酒店1樓 #六國酒店自助餐#李錦記醬料#龍蝦花膠片皮鵝{{hket:campaign display="自助餐回本攻略"}}{{/hket:campaign}}

A美食焚化爐

節日限定

Le Menu - 六國酒店自助餐

龍蝦･鴨肝･佛跳牆 @ Le Menu ( 灣仔六國酒店 )

好快就做聖誕節，大家會同朋友或家人去邊度慶祝？ 早前就同朋友去了灣仔六國酒店Le Menu，預先慶祝了聖誕節。 今次佢地主題係【極緻細嚐･華麗自助晚餐 - 龍蝦･鴨肝･佛跳牆】。   大家好關心既收費問題，因為不同日子有不同價錢，所以直接出相等大家睇仲好。   言歸正傳，都要知道食物質素，對嗎？  海鮮 有開半波士頓龍蝦，500gm左右size，喜歡的，大可挑多蝦膏的品嚐。   另外，又有加拿大雪花蟹腳、麵包蟹、青口、翡翠螺以及熟蝦，種類算多，不錯。   刺身 是看得出的進步，因為有赤貝、甜蝦、八爪魚、鯛魚、劍魚以及三文魚，解凍處理得好好，毫無雪味，食得過。   湯 每位客人都有一張佛跳牆卡，憑卡可取一盅熱辣辣的佛跳牆，內裡有齊鮑魚、海參、瑤柱及花膠，湯色清澈，入口鮮甜，真係連湯渣都消滅了。   龍蝦湯 很濃稠的質感，入口絲滑，配麵包一流。   鐵板燒 即煎鴨肝多士，油脂滿滿，入口即化。   其實建議大家可以一次過要齊虎蝦、牛柳粒、蒜茸雞扒、豬扒、牛脷串、雞軟骨串、多春魚 同埋鮮菠蘿。  個人推介牛柳粒、虎蝦、雞軟骨同菠蘿，   肉車區 當然少不了聖誕火雞，切了兩片，感覺比起海南雞是較為結實，沒問題，都是氣氛為主。   滿有聖誕氣氛的還有蜜汁菠蘿焗火腿及威靈頓牛柳。   牛魔王當然要來一片燒肉眼扒。  坊間好多都係片皮鴨，但Le Menu卻是片皮鵝，皮下脂肪較多，油香更好。   熱葷 芝士蘑菇焗蟹蓋 雖然及不上中菜廳單點多蟹肉，但都是誠意之作，芝士味幾香。   鹹蛋黃金蝦 好邪惡，蝦殼脆卜卜好入味。   煎比目魚配白酒忌廉汁(銀獎菜式) 啖啖肉少碎骨，好啱老人家。   龍蝦海鮮瑪莎曼咖哩、蔥餡拉餅 除了好多海鮮料，仲可以用拉餅蘸汁食，好惹味。   其他熱葷有薑蔥炒龍蝦鉗、酥炸生蠔、香煎芙蓉蟹、蠔皇扣海螺片、紅燒獅子頭、蜜餞金沙骨、上湯菜膽雞、白汁燴雞皇、龍蝦海鮮茶碗蒸、意式炒雜菜、瑤柱鮮蝦蛋白炒飯及肉醬意粉。   沙律類 有龍蝦三文魚藜麥沙律、龍蝦蟹肉香芒沙律、燒牛肉菠蘿沙律及凱撒沙律，想清清地應該試下。   Cold Cut 有豬肉凍批、煙鮫魚、煙燻黑椒牛肉、凍火雞碟、莎樂美香腸、煙三文魚及意大利火腿。   甜品區 哈根大師雪糕 有迷你版雪糕芒果紅桑子雪糕、朱古力雪糕、士多啤梨雪糕、雲呢拿雪糕以及曲奇雲呢拿雪糕。   係凍櫃放滿了檸檬撻、聖誕樹頭蛋糕、紅絲絨蛋糕、聖誕杯子蛋糕、朱古力蜜柑慕絲蛋糕、椰汁西米糕 、核桃批、意大利芝士布甸以及Mont-Blanc。   至於旁邊就有泡芙塔、葡撻 、棉花糖、藍芝士撻及即製窩夫，種類都夠多。   其實中間仲加插了廚師即席烹調菜色。  當中就有法式龍蝦海鮮酥皮盒 (晚上6:45)，之後會放係熱葷區供大家享用。  而另一道就是火焰雪山 (晚上7:15 / 單數日子推出)。   如果是雙數日子，就會換上法國經典橙酒班戟 (晚上7:15 / 雙數日子推出)。 【每逢星期五、六、日及公眾假期都會進行兩款甜品表演】 想同朋友過一個開開心心既聖誕節，大可考慮一下。 Facebook 專頁 : 六國酒店 地址 : 灣仔告士打道72號六國酒店1樓   電話 : 28663808   味道 : 4  環境 : 4  服務 : 4  衛生 : 4  抵食 : 5  位置 : 5   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #灣仔 #聖誕節 #自助餐 #六國酒店 #美食焚化爐 #BUFFET (此文章由U Blog 同步發佈至社群)