【父亲节好去处2026】全港10大父亲节活动推荐 足球Staycation／咖啡工作坊／参观巴士车厂

U Lifestyle

親子

【父親節好去處2026】全港10大父親節活動推介⚽足球Staycation／咖啡工作坊／參觀巴士廠

話咁快就到父親節，除咗食父親節大餐慶祝，仲有咩特別節目？小編今日為各位子女精選出全港10大父親節活動推介，適逢2026世界盃熱潮，今年除咗有球迷老豆必去嘅足球主題活動、大受歡迎嘅巴士廠參觀活動，仲有各大商場限時活動，即刻save低呢篇攻略，帶老豆出外盡情Chill下！😎 --------------- 【請您試用】Mustela嬰幼兒夏日防護套裝！☀️ 夏天同小朋友出遊放電，最怕猛烈陽光同蚊叮蟲咬傷到BB幼嫩肌膚！U Community社群送您嬰幼兒夏日防護套裝，有齊SPF50低敏高效防曬乳、高效防曬棒及嬰幼兒驅蚊乳液，再送精美萬用袋(價值$541)！全方位保護BB，安心探索大自然～ 想要嬰幼兒夏日防護套裝 --------------- 1️⃣ 啟德The Twins雙子匯：草間彌生綠色《南瓜》原型雕塑 相信大家對日本「波點女王」草間彌生嘅作品唔陌生！而全港首個草間彌生常設戶外公共藝術裝置已經進駐啟德！今次展出經典作品綠色《南瓜》3米高原型雕塑，墨綠色主色配上招牌黑色圓點，視覺衝擊十足！同爸爸經過啟德雙子匯不妨去欣賞呢件經典藝術品！ 📍地址：啟德雙子匯1期露天廣場 >即睇 “Benson LAI” 打卡草間彌生綠色《南瓜》巨型雕塑< --------------- 2️⃣ 三道SNDO「型爸駕到Classic Mini嘉年華」 男人喜好「汽車」同「足球」，啟德雙子匯2期「三道SNDO」為迎接父親節，首度聯乘香港迷你車會，推出經典名車足球盛夏慶典「型爸駕到Classic Mini嘉年華」！現場展出19輛珍稀Classic Mini，更設有互動賽車遊戲體驗區及遙控車體驗，大人小朋友都可享受玩車樂趣！ 📅活動日期：2026年6月19日至6月21日 📍地址：香港九龍啟德沐翠街12號雙子匯2期G/F中庭 --------------- 3️⃣ 置富Malls +WOO 嘉湖「『爸』氣親子足球工作坊」 趁住父親節，帶爸爸好好放鬆是基本吧！置富Malls今個父親節將為全港爸爸安排一系列節日活動，包括+WOO嘉湖於父親節正日舉行嘅「『爸』氣親子足球工作坊」，爸爸帶住小朋友親子熱身遊戲「齊來抓尾巴」，再由教練團隊帶領小朋友進行3v3足球比賽，盡情揮灑汗水！ 📍地址：天水圍天恩路18號+WOO嘉湖 --------------- 4️⃣ 沙田新城市廣場x LEGO「LEGEND UNFOLD」 世界盃開鑼在即，沙田新城市廣場聯乘LEGO，舉行大型足球主題計劃「LEGEND UNFOLD」。現場推出最新足球主題LEGO，仲有多個由LEGO組成嘅足球打卡位。活動更特設兩大互動遊戲體驗區，獲取指定分數可以贏得獨家限定禮物，LEGO迷同足球迷都不容錯過！ 📍地址：沙田新城市廣場一期3樓拱型玻璃天幕廣場 > “tintin.tinny” 帶小球迷打卡沙田新城市廣場足球主題活動< --------------- 5️⃣ 荷里活廣場「家有 Super Dad」父親節慢活休閒市集 想同爸爸舒舒服服行街，唔好錯過荷里活廣場舉行嘅父親節市集！除咗引入多個本地特色美食、養生健康品牌，方便大家挑選心儀嘅節日禮物之外，市集更特別聯乘人氣黑膠唱片店，現場發售超過500隻本地及外國珍藏黑膠唱片，等注重生活品味嘅爸爸可以聽住經典金曲好好放鬆吓。指定週末更可參與親子工作坊，DIY獨一無二嘅手繪星球燈送畀爸爸！ 📅活動日期：2026年6月13日至6月21日 📍地址：鑽石山荷里活廣場1樓明星廣場 --------------- 6️⃣ 置富Malls x Capybara PIMOO CAPY豚長 Chill in Charge 超人氣Capybara PIMOO CAPY豚長春日裝置登陸置富Malls，各位家長又帶咗小朋友去打卡未呢？商場中庭搖身一變成為復古美式小鎮，必打卡霓虹燈大招牌、3米高小黃豚漢堡招牌打卡位，成個Area都可愛到犯規！一齊帶爸爸去感受豚長嘅生活態度啦～ 📅活動日期：即日起至2026年6月21日 📍地址：馬鞍山廣場L2天幕廣場；置富都會L7大堂 > “Ellie_Ella 孖妹日常分享” 打卡馬鞍山呆萌水豚君春日限定裝置< --------------- 7️⃣ noc咖啡工作坊 如果爸爸係咖啡迷，不妨帶佢一齊去呢個workshop！本地精品咖啡品牌NOC將於6月20日起，開設專屬咖啡研習室「Coffee Training Lab」，推出一系列質感咖啡工作坊，等大家可以親手沖煮專屬自己嘅咖啡味道！除咗有手沖咖啡及拉花恆常工作坊外，更特設夏日限定「3D立體拉花」及「彩繪雕花拉花工作坊」。事不宜遲，把握機會帶Daddy一齊去體驗下啦！ 📍地址：鰂魚涌華蘭路20號華蘭中心1樓101室 💰費用：每位HK$450（夏日限定班可免費帶同一位6-12歲小童） --------------- 8️⃣ 九巴車廠遊學團 深受一眾家長歡迎嘅「九巴車廠遊學團」6月正式回歸，又係時候一家大細出發參觀九巴車廠啦！開放沙田、九龍灣兩大車廠內部參觀，全程有導遊詳細講解⁠，介紹古董巴士。除咗可以感受巴士洗車過程外，更可了解九巴日常維修工作。今個父親節，帶埋巴士迷爸爸一齊出發～ 📅出發日期：2026年6月14、21、27、28日；7月1、5、11、12、19、26日，8月2、9、15、16、23、30日 📍地址：沙田／九龍灣九巴車廠 --------------- 9️⃣ BAY 247 室內高爾夫球場 趁住父親節，一於同爸爸一齊去打高爾夫球！位於銅鑼灣呢個「BAY 247」係全港首個24小時全自動式室內高爾夫球球場，採用全獨立私人房間，模擬戶外高爾夫球場環境同「揮桿」數據，唔同水平及年齡層人士都可以輕鬆訓練球技～ 📍地址：銅鑼灣禮頓道33號第一商業大廈12/F及14/F --------------- 🔟 啟德帝盛酒店「足球狂熱住宿」 四年一度世界盃賽事開鑼，不如為球迷爸爸安排一場「睇波Staycation」！啟德帝盛酒店推出專為足球迷量身打造嘅「足球狂熱住宿套餐」，特設NowTV足球直播、延遲退房等禮遇，更請到著名足球評述員Keyman入住酒店並每日於YouTube Channel直播賽事評述，輕鬆感受如置身現場嘅熾熱氣氛～ 📅有效日期：2026年6月11日至2026年7月21日 📍地址：九龍城承啟道43號 *以上各大商場活動、市集、Staycation 套餐及工作坊之開放時間、收費、預約詳情或限定禮品名額僅供參考，一切以主辦商戶當日最新公佈為準。 【獨家福利】「港媽港爸親子福利資訊區」WhatsApp 群組現正招募成員！ 預留獨家送禮名額，中獎機會更高！ 👉立即加入： https://ulapp.hk/e0qhf  招募旅遊Creator l 分享旅遊點滴賺額外收入！ 立即登記➡️ https://ulapp.hk/nsq06  🔔一手掌握最新、最好玩嘅親子活動資訊！立即 Follow《親子樂園 Smart Kids》Instagram 同 讚好 Facebook專頁，睇更多育兒心得、著數送禮同週末放電好去處🎡 圖片來源：網上圖片、啟德帝盛酒店、BAY 247、FB帳戶@KMB 九巴專頁、IG帳戶@noccoffee.hk、社群U Creator {{hket:tag-user display="Ellie_Ella 孖妹日常分享"}}998964{{/hket:tag-user}} 、 {{hket:tag-user display="tintin.tinny"}}654002{{/hket:tag-user}} 、 {{hket:tag-user display="Benson LAI"}}874546{{/hket:tag-user}}  #UCreator #社群創作有價 #ULifestyleApp #社群排行榜 #父親節好去處2026 #父親節活動 #假日好去處 #香港商場活動 #父親節市集 #世界盃2026 #Staycation #九巴車廠 #親子好去處 #香港一日遊

U GO

香港攻略

【父親節活動合集👔】

話咁快就到父親節喇👔！小編為大家搜羅咗多個特色市集、workshop丶足球特展等，仲有車迷🚗爸爸最期待嘅「型爸駕到Classic Mini嘉年華」✨ 快啲plan定行程，陪爸爸過一個充實又難忘嘅父親節啦！🍻🎁 即睇父親節好去處詳情 ▶ https://ulapp.hk/rufcp ——————   ⭐去完以上好去處記得喺《U GO》評分 或於社群發佈帖文，並於「地點」搜尋相關活動名稱，分享您嘅打卡相同體驗！📸   ▶追蹤《U GO》Facebook 及 Instagram 睇更多好去處推介啦！     圖片來源：官方圖片 #UGO好去處情報 #父親節 #展覽 #工作坊 #市集

NicoleHeiTong

澳門攻略

星皓廣場

星皓廣場展覽回顧✨

展覽回顧! 澳門的展覽不只辦在渡假酒店的, 一些商場也不時辦展覽和pop up store! 設有CGV電影院與多間首店餐飲的澳門氹仔星皓廣場(NOVA Mall)則主要活動為各類聯乘主題展覽､節慶快閃及文創藝術展啊😌 回顧一下｢ROSIE POP-UP STORE IN MACAU｣ ✨場景還原: 現場打造了由 ROSÉ 親自設計的沉浸式《APT.》MV 虛擬打卡場景｡ ✨專屬拍貼: 設有粉絲專屬的｢ROSÉ 人生四格照｣FOTOBOX 拍貼機｡ ✨限定周邊: 獨家販售澳門站限定黑膠唱片､CD(包含 KR 版與 Retail 版)､《Number One Girl》主題 T-shirt､Rosie 帽子及鑰匙圈等周邊商品｡ ✨特別福利: 現場購買指定周邊組合並於指定社群平台(小紅書或 Instagram)打卡發文,即可獲得 Rosie 拍立得限定小卡與未公開小卡｡ 澳門,比你想像的還會有更多👣💪🏻 #主題展覽#星皓廣場#澳門展覽 #節日限定#期間限定#澳門#澳門打卡