中环文华东方酒店自助餐买一送一+第3位$51！任食波士顿龙虾/阿拉斯加帝王蟹脚/生炸乳鸽/文华芝士蛋糕/燕窝蛋挞

A美食焚化爐

擦餐勁

Clipper Lounge

載譽重來 X 殿堂級陣容 @ 快船廊 ( 中環文華東方酒店 )

大家食自助餐，不單要食物種類夠多，而且要有保夠回本位，最好係遍地開花樣樣齊。 文華東方酒店的快船廊自助餐，近日已成了城中焦點，尤其是包含酒店內幾間星級餐廳的名物。 即開法國生蠔 雖然不是當面開，但吃得出的新鮮肥美，蠔味重之餘，更喜歡邊位的爽口。 城中自助餐往往是有生蠔就無龍蝦，想不到快船廊可以把兩者並存，厲害。 龍蝦是揀手貨，好多都有膏，當然係任食啦！ 除了上述兩款回本海鮮，更有好受歡迎的鮑魚，當然又係free flow。 其他海仲有扇貝、蟹腳、麵包蟹、龍蝦鉗、翡翠螺及海蝦，單係食海鮮已經半飽。 刺身 有油甘魚、甜蝦、吞拿魚、三文魚及鯛魚，夠新鮮，蘸點一下醬汁味道更鮮。 壽司 有蟹柳壽司、玉子壽司、三文魚壽司 及八爪魚壽司，不過我就會留返胃納食其他菜色。 燒味 即是由文華廳出品，有海南雞飯及油雞，當然有雞油飯相配，澆些少黑醬油上去，真是人間美味。 湯麵吧 今次係矜貴版新加坡喇沙， 因為配料有龍蝦鉗代替了“螄蚶”？又有魚蛋、魚丸、青口、牛丸、生菜及芥蘭，都好豐富，而且辣辣地好開胃。 Carving Station 文華扒房一向有名，今次烤牛扒同烤羊架都係任食，簡單的切了片試試，肉味濃又有嚼口；羊架烤得啱啱好，肉質粉嫩，正。 大堂一角，有即製Carbonara，尤其是al dente的質感，更是處理得宜，就算幾飽都要食返碟。 湯品 西湯是濃稠的龍蝦湯；而另一款是蟹肉粟米羹。 熱葷 麵豉蒸鱸魚伴日式燒汁 中日融和的味道好特別，鱸魚啖啖肉好啱自己這類怕碎骨的懶人。 黑椒炒大蝦 蝦殼脆卜卜又大隻，不過都幾辣下。 XO醬帶子燴粉絲 微辣的口感，粉絲炒得毫不油膩，有水準。 鮑魚豉油王炒麵 即是豉油王炒麵加入了鮑魚，畢竟是文華酒店，所有菜色都是昇華版。 臘腸叉燒炒飯 雖然看似簡單，但炒得不油膩及有油香就是功夫所在。 白酒忌廉汁煮蜆 蜆肉肥美又有酒香，尤其是個汁用來蘸麵包一流。 其他有烤美國牛柳、香草燒春雞、印式咖哩三文魚、小籠包及清蒸時菜，都是精心出品。 沙律 想食得清少少，可以選擇泰式牛肉沙律、雞肉藜麥沙律及凍肉拼盤煙三文魚，夠晒健康。 芝士 有山羊芝士、金文畢芝士、高達芝士、古岡左拉藍芝士及莫城布里芝士，喜歡芝士的朋友大可自製芝士platter。 甜品 一架Homemade雪糕車，完美展示出熱情果、朱古力、香草以及奶茶四款口味，最好當然係4款盡要，放係脆脆盞入邊，再灑上topping，然後慢慢嘆。 講到文華酒店甜品，首選一定係文華芝士蛋糕，氣味芳香，入口圓滑，最好真係配杯Earl Grey。 另外橘子Tiramisu鬆軟濕潤的口感，又是令我吃不停。 同行朋友就喜歡藍莓栗子金寶批，甜酸間平衡度拿捏得好好。 最值得推薦的，必定是維多利亞蛋糕，芳香馥郁，軟熟可口，水準極高。 加上堅果蛋糕、杏仁杏脯柚子奶凍、雜錦cupcake、紅莓朱古力紙杯蛋糕、乾果朱古力片 、核桃撻及馬卡龍，全是自家餅房出品，無得輸。 新鮮水果拼盤 色彩繽紛，種類又多。 麵包專區 城中自助餐好少有如此陣容，佔了大堂一角之餘，仲選擇多多。 有法式長麵包、多穀物麵包、意大利蕃茄香草麵包、 牛油卷、酸棗包及黑麥麵包，配以蜜糖及士多啤梨果醬，畢竟是homemade，所以都有好多人欣賞。 雖然好多人都北上消費，但香港餐飲仍有可取的地方，至少自助餐好多都減價，但質素不減反加，網上仲有不少優惠，大家要找不難。   Facebook專頁 : 文華東方酒店   地址 : 中環干諾道中5號香港文華東方酒店閣樓   電話 :  2825 4007   味道 : 4  環境 : 4  服務 : 4  衛生 : 4  抵食 : 4  位置 : 5   如果喜歡這篇文章,請在我的專頁上剔"LIKE",當是給我小小的鼓勵吧!謝謝!   http://www.facebook.com/foodiephilip #酒店 #中環 #自助餐 #香港文華東方酒店 #美食焚化爐 #Buffet # Mandarin Oriental # Hong Kong (此文章由U Blog 同步發佈至社群)

bukoeateateat

著數報料

普慶餐廳 - 逸東酒店自助餐

普慶西班牙美食集！🤤 自助餐買一送一 🦞✨

一直都很喜歡佐敦普慶餐廳的格局，少了一份酒店的拘束感，各個美食檔口環繞中央，氣氛熱鬧又自在。 最近得知餐廳推出了全新的「西班牙美食巿集」主題，靈感源自巴塞隆納著名市集，正好契合這裡的熱情與貼地印象。 加上現正推出超震撼的【快閃買一送一】優惠，算下來簡直太划算，六月第一餐「好西」馬上決定回訪！ ​🦞 期間限定！藏紅花蛋黃醬緬因州龍蝦尾 ​入座時每位食客都會獲得一隻龍蝦公仔，用來兌換「藏紅花蛋黃醬緬因州龍蝦尾」。龍蝦尾肉質飽滿、彈牙鮮甜，搭配香濃惹味的藏紅花蛋黃醬，入口非常細緻！ 現場還設有夾公仔機可以試手氣，增添不少趣味。 ​🇪🇸 必食西班牙主題美食 ​經典菜式傾巢而出，包括蒜香橄欖油蝦、西班牙烤章魚、香腸炖豆鍋、檸汁醃魚生及凍肉芝士拼盤等。 雖然吃 Buffet 習慣避開澱粉，但強烈推薦一戰他們的西班牙龍蝦汁海鮮飯！米飯吸飽海鮮高湯，鮮甜入味，配料極其豐富，誠意十足！ ​🦪 海鮮控天堂：凍海鮮區 ​全晚人氣最旺的區域！無限量供應松葉蟹腳、青口、翡翠螺、小龍蝦及麵包蟹，當然少不了現場即開日本生蠔，款款新鮮即切、味道鮮甜。 ​ ⭐ 米芝蓮星級：逸東軒燒味 ​普慶的一大名物！燒味由同酒店的米芝蓮一星餐廳「逸東軒」團隊出品。當天有蜜汁叉燒、燒鴨及滷水拼盤，水準極高。 限時供應的片皮鴨更是大排長龍，鴨皮酥脆、肉質嫩滑，記得一定要留肚食！ ​🍫 甜品控天堂 ​甜品區讓人幸福感滿滿！除了現炸西班牙油條（Churros）、巴斯克芝士蛋糕、焦糖烤布丁等西班牙特色甜品，還有多款口味的 Movenpick 雪糕。 ​🍹 飲品吧微醺升級 ​餐廳貼心提供無酒精 Sangria、Mojito、果汁及咖啡茶。想更有氣氛，強烈建議加 $158 升級享用一壺正宗 Red Sangria，酸甜微醺；或加 $90 升級 Free Flow 無限暢飲精選紅白美酒及氣泡酒，真正體驗飲飽食醉的快樂！ ​♡♡🔗 著數傳送門： 【快閃買一送一】自助午餐及晚餐優惠連結： https://www.klook.com/zh-HK/activity/85761?aid=14983 ___ 普慶餐廳 ᴛʜᴇ ᴀꜱᴛᴏʀ〖佐敦〗 📍 地址：佐敦彌敦道380號香港逸東酒店B1樓 #買一送一 #西班牙美食市集 #普慶餐廳 #自助餐回本攻略 #酒店自助餐 #佐敦

Chris Lam

擦餐勁

1. 快船廊蟹腳放題🦀！海鮮控衝呀！😋

文華東方酒店快船廊(Clipper Lounge)自助餐係海鮮愛好者嘅天堂,蟹腳尤其出色!雪蟹腳同皇帝蟹腳新鮮肥美,肉質彈牙鮮甜,無限量供應,補貨迅速,保證食到滿足!餐廳環境優雅,服務貼心,侍應主動換蟹鉗同熱茶,細節滿分｡除蟹腳外,仲有波士頓龍蝦､生蠔等海鮮,質素頂級｡甜品區嘅文華芝士蛋糕同自家製雪糕亦不容錯過!午市價約HK$700,性價比高,適合慶祝或犒賞自己｡想食到回本,蟹腳絕對係首選!快船廊自助餐係中環必試嘅美食體驗! #chill賞童您玩#chill賞去水上樂園